Esta web utiliza cookies para que poidamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerte cando volves á nosa web ou axudar ao noso equipo a comprender qué seccións da web encontras máis interesantes e útiles.
A Ruta da Pedra de Díaz Castro mostra as fermosas paisaxes que serviron de inspiración dos poemas de Xosé María Díaz Castro, impregnados da relación do home coa terra, a través da visión da vida dos seus veciños de aldea.
Nivel de dificultade: Baixa
Tempo: 1:20h
Distancia: 4,85km
A ruta comeza no lugar do Vilariño, a carón da casa de nacemento do poeta, camiñando entre carballos, bidueiros e castiñeiros chégase á casa dos antigos canteiros, testemuña dunha das profesións máis representativas do lugar. A ruta adéntrase por camiños de terra onde os diferentes valados de pedra delimitan unha paisaxe tocada pola man do home, debuxando un mosaico de prados alternado con bosques naturais.