Background

O Camiño Tradicional

O Camiño tradicional pertence a etapa que vai dende Baamonde a Miraz (Friol), un tramo de aproximadamente 7,7km que mostra a marabillosa paisaxe que envolve o Concello de Guitiriz (San Alberte – Digañe).

Icono de senderista

Nivel de dificultade: Media-baixa

Icono de reloj

Tempo: 1:25h

Icono de camino

Distancia: 7,7km

A etapa comeza no lugar da Lamela (Pígara) e continúa cara Baamonde (Begonte) por terras guitiricenses.

Unha vez deixamos a estrada nacional, desviámonos a esquerda, cruzando a vía do tren. Alí atopamos unha ponte de estilo gótico sobre o río Parga, ata chegar ó idílico santuario de San Alberte (Sambreixo). A súa capela de XIV, atópase nun fermoso espazo natural. Na mesma fraga onde se sitúa esta, existe unha fonte, que segundo conta a tradición popular é boa para as persoas con problemas de fala, e un fermoso cruceiro. En este mesmo santuario case máxico, realízase cada ano no mes de maio unha romería que recupera a tradición do lugar.

Puente gótico de San Alberte
Santuario San Alberte
Fonte de San Alberte

Aínda na parroquia de Sambreixo, nace unha senda non muy larga cun bonito desnivel que morre á altura de O Rego da Viña. O itinerario torce á dereita para atoparnos co lugar de Bandoncel. Uns pasos máis adiante, en Eirexe, atopamos o albergue Deva Pronatura.

O tramo máis complicado é o que conecta a Capela de San Alberte con Bandoncel, sobre todo se fas o camiño en bicicleta. Polo que podes tomar a alternativa asfaltada antes de atravesar o camiño de terra que nos dirixe ao santuario.

Continuamos polo lugar de Caínzos, onde podemos ver un fermoso palco de orquestra de cemento no campo da festa. Continuamos o itinerario por camiños de terra e pedra cara o lugar de Digañe e Raposeira, ambos pertencentes a Santa Leocadia. Onde podemos ver outro tradicional campo da festa e, cun pequeno desvío á esquerda, podemos atopar a súa fermosa igrexa.

O roteiro toma camiño cara a esquerda por unha estrada local ata Carballedo, onde se sitúa o Punto de Apoio ao Peregrino, un café rústico onde o viaxeiro pode descansar.

Unha vez retomado o camiño, atopámonos en Aldar, onde se pode ver o posto de artesanía dedicado á peregrinación. A partir deste punto, déixase atrás a Terra Chá e adentrámonos no municipio de Friol, á altura da área recreativa de Seixón.

Descarga o folleto de
O Camiño Norte ao seu paso por Guitiriz

Descargar