Etapa Baamonde – Sobrado por Vilar – As Cruces (32 km)

Este nova vertente, sinalizada pola Xunta de Galicia no 2017, comeza tamén en San Alberte e coincide varios quilómetros coa outra variante ata chegar a Toar, punto onde ambas se separan.

O lugar de Toar, pertence a parroquia de Sambreixo. Cando atravesamos a fermosa aldea, podemos apreciar o Rego de Toar que nace un pouco máis a esquerda, en Eirexe, solar da igrexa parroquial de Sambreixo. Seguindo o regato, que desemboca no río Parga, podemos ver un antigo lavadoiro.

Un pouco máis adiante, bifúrcase o camiño, á dereita tomamos a ruta cara a Pobra de Parga por un camiño envolto en natureza ata o cruce do Rego de Portofontao. Alí tomamos a esquerda cara A Belouchada.

En A Belouchada podemos ver dous cruceiros e as casas do lugar. Se continuamos a ruta, vemos as primeiras casas da Pobra cun paisaxe de bosques frondosos e fermosas fragas.

A Pobra, un recinto castrexo prerromano, conta coa Igrexa Parroquial de Santo Estevo e o Castelo de Parga do século XVI, que conta cunha pequena lenda. Dise que durante o reinado dos Reis Católicos se converteu en cárcere e que se oía en todo Parga os queixumes dos prisioneiros cando eran torturados.

Ao paso por a Pobra, dirixímonos cara Ferreira e Montemeá. Ao chegar o lugar de Montemeá o peregrino vaise atopar cun cruce, e ten que tomar a man esquerda pola pista de terra, e a uns 500 mts tomar un sendeiro que o levará ata o lugar de Rebordiños do Monte para continuar ata o Vilar.

Dende o Vilar continuarase un tramo pola estrada ata chegar a parroquia das Negradas. Xusto antes, onde se atopa o indicador do nome da parroquia, hai que tomar un sendeiro a man dereita que nos levará cara a Penabranca, e dende aí vaise a As Cruces para finalmente chegar a Sobrado, onde finaliza a etapa.

ALOXAMENTOS NESTA VARIANTE:

PARGA NATURE

Plaza Santo Estevo, 14, Parga, 2380 Parga, Guitiriz (Lugo).

Telf: 642 411 371.

CASA RURAL A CUEVONA.

Lugar. O Covelo, s/n, 27380, Guitiriz, Lugo.

Telf: 984 055 554.

CASA DON LINO.

R/ Castelao, 1, 27380, Parga, Guitiriz.

Tlf: 657 018 347.

TABERNA A MODIA

Lgar. Casanova, 4, 27308, Vilar.

Telf: 696 330 409.