Esta web utiliza cookies para que poidamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerte cando volves á nosa web ou axudar ao noso equipo a comprender qué seccións da web encontras máis interesantes e útiles.
ETAPA BAAMONDE – SOBRADO POR SANTA LEOCADIA – MIRAZ (39,8 km)
O Camiño tradicional pertence á etapa que vai dende Baamonde a Miraz (Friol), un tramo que mostra a marabillosa paisaxe que envolve o Concello de Guitiriz (San Alberte – Digañe).
A etapa comeza no lugar da Lamela (Pígara) e continúa cara Baamonde (Begonte) por terras guitiricenses.
Unha vez deixamos a estrada nacional, desviámonos á esquerda, cruzando a vía do tren. Alí atopamos unha ponte de estilo gótico sobre o río Parga, ata chegar ó idílico santuario de San Alberte (Sambreixo). Na súa capela do século XIV atópase un fermoso espazo natural.
Na mesma fraga onde se sitúa esta, existe unha fonte, que segundo conta a tradición popular é boa para as persoas con problemas de fala, e un fermoso cruceiro. En este mesmo santuario case máxico, realízase cada ano no mes de maio unha romaría que recupera a tradición do lugar. Aínda na parroquia de Sambreixo, nace unha senda non moi larga cun bonito desnivel que morre á altura de O Rego da Viña. O itinerario torce á dereita para atoparnos co lugar de Bandoncel.
Continuamos polo lugar de Caínzos, onde podemos ver un fermoso palco de orquestra de cemento no campo da festa. Continuamos o itinerario por camiños de terra e pedra cara o lugar de Digañe e Raposeira, ambos pertencentes a Santa Leocadia. Onde podemos ver outro tradicional campo da festa e, cun pequeno desvío á esquerda, podemos atopar a súa fermosa igrexa. O roteiro toma camiño cara á esquerda por unha estrada local ata Carballedo onde se sitúa Witericus hospedaxe, por si o/a peregrino/a quere facer un alto no camiño
Unha vez retomado o camiño, atopámonos en Aldar. A partir deste punto, déixase atrás a Terra Chá e chegamos ao municipio de Friol.
ALOXAMENTO NESTA ETAPA:
HOSPEDAXE WITERICUS
Lugar O Carballedo, 1, Santa Leocadia, 27380 Guitiriz.
Telf: 982 163 095 / 678 415 728