San Xoán de Lagostelle

Situación: Núcleo municipal.

Entidades poboacionais: 14
Guitiriz, e as aldeas de Acevedo, Amariz, Ansede, Arxá, Barreiro, Belote, Cabanacomba, Cezar , Escádebas, Xomelio, A Landoreira, Os Liñares, Pardiñas, O Pazo, O Penedo, O Sanguiñedo, Senande, Sesulfe, A Torre.

Guitiriz e as aldeas próximas forman a parroquia de San Xoan de Lagostelle, a cal pertencen a “Área Recreativa San Xoán de Lagostelle” e a “Área Recreativa dos Sete Muíños”. Unhas paraxes naturais que nos permiten entrar de cheo en contacto coa natureza e coñecer de primeira man a flora e a fauna local.

Na “Área Recreativa San Xoán de Lagostelle” encóntrase un gran pantano, polo cal é coñecido popularmente o lugar. Outro dos espazos naturais a destacar é o paseo fluvial que vai dende a Ponteveiga ata os “Sete Muíños”, un paseo que forma parte dun dos tramos da coñecida Ruta da Auga.

No núcleo municipal, destaca o Reloxo Analemático de Sol, situado no campo da feira. Chámase así, porque o gnomon desprázase o longo do ano segundo a declinación solar. Así, é o propio observador quen, situado sobre a data, sinala a hora coa súa propia sombra. Ao seu carón está a Igrexa Parroquial de Santa María, tamén a Igrexa de San Xoan de Lagostelle, preto do cuartel da Garda Civil en Torre Vella.

Na praza do Curro Vello podemos ver a “Capela do Ecce Homo” do século XX, propiedade dos donos da Casa Barxa. No seu interior hai un retablo coas imaxes da Virxe, San Xosé có Neno, Cristo Salvador e o Ecce Homo.

No núcleo urbano de Guitiriz atópase un Balneario, restaurado e inaugurado en 2003. No seu fermoso recinto podemos ver unha mesquita da Guerra Civil, xa que, durante esa época o Balneario foi un hospital militar.

Xunto coa arquitectura relixiosa tamén hai mostras da arquitectura civil, como é o Pazo de Camarasa; A Torre, unha antiga casa forte datada de 1372 que deu nome ao lugar no que se encontra, a mesma foi destruída e reedificada no ano 1863.

A aldea de Pardiñas, outro dos lugares máis emblemáticos de Guitiriz, é coñecida polo seu Balneario e polo seu festival de música folk que se celebra o primeiro fin de semana de agosto na carballeira dos arredores do Balneario. A “Capela de Santo Domingo” situada enfronte do Balneario, foi propiedade de Domingo Cabarcos Yáñez e a súa esposa Dña. Manuela Vilariño Roca en 1956.

Situación: Situada a 2,5 km do núcleo municipal. Consultar mapa
Festas: Primeiro fin de semana de agosto. Festival de Pardiñas.

Festas:

  • Na honra de San Xoan (Guitiriz) os días 23 e 24 de xuño, uníndoos co fin de semana máis próximo.
  • 14 de setembro. Festa do Ecce Homo, no Curro Vello.
  • Todos os mércores celébrase o mercado na praza da vila.